Сангийн
сайд Б.Жавхлан Кью-Эс-Си компанийн өр төлбөр болон цаг үеийн асуудлаар өнөөдөр
мэдээлэл хийлээ.
Тэрбээр
"Хөгжлийн Банкан дээр "Кью-Эс-Си" компанийн нэг 191.1 тэрбум
төгрөгийн чанаргүй зээл мөнгөн хөрөнгөөр бүрэн төлөгдөж дууслаа. Ингэснээр тус
дүнгээр Хөгжлийн Банканд алдагдлын сан байгуулж, энэ хэмжээгээр өөрийн
хөрөнгөөр буурах байсан эрсдэл хаагдсан" гэдгийг мэдээллийн эхэнд
онцоллоо.
Сангийн
сайд Б.Жавхлангаар ахлуулсан ажлын хэсэг байгуулагдаж, нөгөө талд Худалдаа
хөгжлийн банкны гүйцэтгэх захирал О.Орхон нар зээлээ төлөх асуудлаар хамтарсан
ажлын хэсэг байгуулахаа нээлттэй зарлаад багагүй хугацаа өнгөрсөн. ХХБ-ны
ТУЗ-ийн дарга Б.Эрдэнэбилэгийн багтай хэлцэл хийхдээ "Дарханы төмөрлөгийн
үйлдвэр"-т зарцуулсан гэх "Кью Эс Си" ХХК-ийн зээлийг
төлүүлэхээр ажиллаж, ийн 191.1 тэрбум төгрөгийн зээл төлөгдөв.
"Тус
банканд зээлжих зэрэглэлийн агентлаг шалгалт хийж байсан. Өнгөрсөн долоо хоногт
энэ зээл амжилттай төлөгдсөнөөр Хөгжлийн Банканд байгаа төрийн өмчийн
компаниудын 500 орчим тэрбум төгрөгийн чанаргүй зээлд ойрын хугацаанд хэрхэн
бүтцийн өөрчлөлт хийх, Засгийн газрын зүгээс хэрхэн төлж барагдуулах вэ гэдэг
бодлогын тогтоол гарсан. Өөрөөр хэлбэл, 500 тэрбум гаруй төгрөгийн зээлийг
хэрхэн боломжоороо төлж барагдуулах тогтоол гарсан гэсэн үг. Энэ тогтоол
эергээр нөлөөлсөн.
Цаашдаа Хөгжлийн Банкны бусад төрийн өмчтэй холбоотой зээл төлөгдөх гэсэн тодорхой төлөвлөлт гарч байна. Хөгжлийн Банкны зээлжих зэрэглэл Засгийн газрынхтай ижил хэвээр үлдэж байгаа" хэмээн мэдээлэв
Түүнчлэн наадмаас өмнө БНХАУ-аас их хэмжээний зээл авч өр тавих гэж байгаа гэдэг нь худал мэдээлэл. Жагсаалт хийж байгаа залууст хэлэхэд ямар нэгэн эрсдэл байхгүй. Бид та бүхнийг хүлээн авч уулзаад мэдээлэл өгөхөд нээлттэй болохыг хэллээ.
Сэтгэгдэл үлдээх