Сүхбаатар аймгийн Ардчилсан намын гишүүд, ардчиллыг дэмжигч иргэдтэй уулзаад өнөөдөр Дорноговь аймагт ирлээ.
Сүхбаатар аймаг бол УИХ-ын ээлжит сонгуулиар Ардчилсан намын төлөөллийг сонгосон, намын анхан шатны байгууллага нь зохион байгуулалт, эв нэгдэл сайтай аймаг юм.
Намайг Монгол Улсын Ерөнхийлөгчөөр ажиллах хугацаанд Орон нутаг хариуцсан зөвлөхөөр ажиллаж байсан Ж.Батсуурь аймгийнхаа намыг сайтар зохион байгуулсан байна. Гар нийлж ажилладаг тул цаашид ч ойлголцоод ажиллана.
Өнгөрсөн УИХ-ын ээлжит сонгуулиар Ардчилсан нам олонхыг бүрдүүлж чадаагүй, одоо ч хүчтэй сөрөг хүчин байж чадахгүй байгаа. Гэхдээ, Сүхбаатарын Ардчилсан нам шиг улс даяарх намын анхан шатны байгууллагууд хүчтэй хэвээр байна.
Жишээ нь:
2020 оны орон нутгийн сонгуульд 8 аймагт, 330 сумаас 147-д нь, улсын хэмжээнд 50-с дээш хувьтай Ардчилсан намын анхан шатны нэгжүүд ялалт байгуулсан.
УИХ-ын сонгуулиар иргэдийн 56 хувийн саналд ердөө УИХ-ын 14 суудал ногдсон гэх мэт тоо баримт бий. Энэ нь бид хүчээ нэгтгэж, эвсэж чадвал шат шатандаа ялалт байгуулах бүрэн боломжтойг илтгэж байгаа билээ.
Ардчилсан намд эв дутаж байгаа ч хүч дутахгүй ээ!
#ЭвНэгдэл-тэйгээр 2024 оны сонгуульд #Ялалт байгуулж, шинэ #Хөгжил-ийг бүтээцгээе.
Сэтгэгдэл үлдээх