Найруулагч Жеймс Камероны "Титаник" кино 25 жилийн ойгоо угтан шинэчилсэн 3D хувилбараар олон улсын кино театруудаар гарахаар болжээ.
"Paramount Pictures"-ийн мэдээлснээр, энэ жилийн Валентины баярыг угтан хоёрдугаар сарын 10-наас эхлэн кино театруудаар шинэчилэгдсэн хувилбар гарч эхлэх гэнэ. 3 цаг 15 минутын урттай, 3D 4K HDR чанартайгаар дэлгэцнээ гарах аж.
1998 онд 11 төрөлд Оскарын шагнал хүртсэн "Титаник" нь цацагдсан даруйдаа 15 долоо хоногийн турш дэлхийн кино зах зээлийг тэргүүлэн, 2009 оны "Avatar"-аас өмнөх бүх цаг үеийн хамгийн өндөр ашиг орлого олсон бүтээл билээ.
Сэтгэгдэл үлдээх