Энэ сарын 15-наас 29-нийг хүртэл 14 хоногийн хугацаагаар зарим хэрэглэгчийн хэрэгцээний халуун усыг түр хязгаарлана. Ирэх өвлийн бэлтгэл ажлын хүрээнд дулааны шугам тоноглолд үзлэг, үйлчилгээ хийх, хаалт арматур солих, шинэчлэх, дулаалга болон жийргэвч шалгах, нягтын шахалт хийх, турших ажлууд хийх тул халуун ус хязгаарлана.
Барс-2 захаас Хархорин зах хүртэл 1 болон 10 дугаар хорооллын авто замын урд хэсэг, Түндэмүн саун, Гурван билэг их дэлгүүрийн урд тал орчмын хэрэглэгчид, Хуучин тээврийн товчоо, 5-р хороолол, Хотын төв 40, 50 мянгат, Баруун 4 зам орчим, Хонхорын 7 байр орчмын хэрэглэгчдийн хэрэглээний халуун усыг хязгаарлана.
Хугацааны өмнө дээрх ажлуудыг хийсэн газруудыг хэрэглээний халуун усаар хангахаар төлөвлөсөн гэж Улаанбаатар дулааны сүлжээ компаниас мэдээлэв. Энэ хугацаанд нэр дурдсан байршлуудын харьяа ОСНАА конторууд эзэмшлийнхээ шугам тоноглолд ээлжит засвар үйлчилгээгээ амжиж хийх шаардлагатай. Иймд зарим тохиолдолд хугацаа өөрчлөгдөх магадлалтай тул хэрэглэгчид лавлах тодруулах зүйлсээ шуурхай албаны 7004-7005 тоот утсаар болон харьяа орон сууцны контороос мэдээллээ авах боломжтой.
Сэтгэгдэл үлдээх