Голомт банкны нөөцийн удирдлагын газрын арилжааны хэлтсийн захирал Г.Мөнх-Эрдэнэ болон Эдийн засаг, судалгааны албаны макро эдийн засагч Г.Батзориг нар шинэ коронавирусийн дэлхийн болон монголын эдийн засагт үзүүлэх нөлөөллийн талаар тайлбарлаж байна.
- Вирусээс үүдэн Хятадын эдийн засгийг бүрдүүлэгч томоохон мужуудад тээвэр, худалдаа, үйлчилгээ, аялал жуулчлалын салбар буурах нь тодорхой боллоо.
- Үүнийг дагаад дэлхийн хамгийн том газрын тосны хэрэглэгч, зэсийн хэрэглэгч орны эдийн засгийн өсөлт саарах эрсдэлтэй байгаа нь эдгээр түүхий эдийн үнэ цаашид ч богино хугацаанд буурах нөхцөлийг бүрдүүлж байна. Харин алтны ханшийг дэмжиж байна.
- Бодит секторын өсөлт буурах хүлээлтээр Хятадын хөрөнгийн зах зээлийн индекс унаж эхэлсэн бөгөөд баярын дараа арилжаа эхлэхэд огцом буурч эхлэх нь тодорхой боллоо. Цаашид ч зах зээлд уналт ажиглагдах төлөвтэй байна.
- Харин вирусийн тархалт Хятадаас гадна дэлгэрч хяналтаа алдвал АНУ-н хөрөнгийн зах зээлд уналт үүсэх магадлалтай.
- Вирусийн тархалт бүрэн тодорхой болоогүй байгаа тул эдийн засгийн нарийвчилсан шинжилгээ хийхэд эрт байна.
График 1. Санхүүгийн зах зээлд хэрхэн нөлөөлж буй байдал
ШУУД ҮЗЭХ:
Сэтгэгдэл үлдээх