2022 он дуусахад хоёр сар үлджээ. Энэ өдрүүдийн гурав нь бүх нийтээр амрах өдөр тохиож байна. Нийтээр тэмдэглэх баярын болон тэмдэглэлт өдрүүдийн тухай хуульд зааснаар ирэх саруудад гурван өдөр бүх нийтээр амарна.
Тодруулбал, Их эзэн Чингис хааны мэндэлсний 860 жилийн ой, “Монгол бахархлын өдөр” ирэх арваннэгдүгээр сарын 24-ний Пүрэв гаригт тохиож байна. Хуульд зааснаар энэ өдрийг Их Эзэн Чингис хааны мэндэлсэн өдөр хэмээн тэмдэглэж, бүх нийтээр амардаг. Түүнчлэн арваннэгдүгээр сарын 26-нд Улс тунхагласны өдрийг тэмдэглэдэг бөгөөд энэ жил Бямба гаригт буюу амралтын өдөр тохиож байна. Мөн арванхоёрдугаар сарын 29-нд Үндэсний эрх чөлөө, тусгаар тогтнолоо сэргээсний баярын өдөр Пүрэв гаригт тохионо. Тиймээс 2022 он дуусах хүртэл бүх нийтийн гурван амралтын өдөр таарч байгаагийн хоёр нь ажлын өдөр байна.
Сэтгэгдэл үлдээх