Дэлхийн хамгийн том 10 зах зээлийн долоо нь хүүхдэд зориулсан видеогоор мэргэшсэн контент бүтээгчид байдаг.
"Cocomelon" гэх юүтүб хуудсан дахь хүүхдийн суваг нь 282.8 сая ам.долларын орлого олж бүх цаг үеийн хамгийн өндөр орлоготой суваг болсон юм. АНУ-д байрладаг студи нь 2006 оноос хойш хүүхдүүдэд зориулсан видео бичлэг хийж байгаа бөгөөд дэлхий даяар хамгийн их хандалт авсан суваг билээ.
Хойд Америк, Европ, Өмнөд Америкт "Cocomelon"-оос гадна хамгийн өндөр орлоготой хүүхдүүдийн сувгууд байдаг. Оросын "Like Nastya" (167.5 сая ам.доллар), Аргентины " El Reino Infantil " (102.2 сая ам.доллар) тус тус сувгууд нь хандалтынхаа түвшнээр YouTube-ээс ашиг орлогыг цуглуулжээ.
Харин манай улсын "Pororo the Little Penguin" буюу Өмнөд Солонгос улсын хүүхэлдэйн киног орчуулан хүргэдэг тус суваг 268 мянган ам.долларын ашигтай ажилласан хэмээн бүртгэгдсэн байна.
Энэтхэг дэх интернэт платформын өсөлтийн ачаар Ази Номхон далайн бүс нутаг манай гараг дээрх юүтүб үзэгчдийн 30%-ийг эзэлдэг. "ChuChuTV" нь 2021 онд Энэтхэгт 50 сая захиалагчтай анхны хүүхдийн суваг болсон. Тус судалгаагаар сувгийн түүхэн дэх 81.7 сая ам.долларын орлогоор "ChuChuTV" бусад Ази болон Далайн орнуудад хамгийн их орлого олсон суваг болохыг харуулж байна.
Судалгааны зургийг харахыг хүсвэл энд дарна уу.
Сэтгэгдэл үлдээх