Боржигон өв соёлын голомт нутаг Говьсүмбэр аймгийн Ардчилсан намын гишүүд, ардчиллыг дэмжигч иргэдтэй уулзаж бодлого, мөрийн хөтөлбөрөө танилцууллаа.
Нутаг, нутгийн адил Говьсүмбэр аймгийн Ардчилсан намынхан эв нэгдлийг эн тэргүүнд тавьж байна. Өнөөдөр Ардчилсан нам хуваагдсан эсвэл хүчгүйдсэн мэт харагдах ч энэ нь цөөн хэдэн хүний явцуу ашиг сонирхол, харагдах байдал төдий бөгөөд орон нутгийн намууд хөл сайтай, ардчиллыг дэмжигч иргэд олноор байгаа нь уулзалтын уур амьсгалаас илэрхий байгааг Та бүхэн ч харж буй.
Мөн энэ удаагийн намын даргын сунгаа нь хууль ёсны дагуу явагдаж, ардчиллын үзэл санааг бат сахисан, намын дотоод эрх чөлөөнд тулгуурласан, эв нэгдлийг эрхэмлэх, өргөн олны эрх ашгийг нэгтгэн хангах үндсэн зорилгын эхлэл болж байна.
Бидний уулзалтыг эхлэхээс өмнө Ардчилсан намын одоогийн нөхцөл байдлыг Ардчилсан намын Хэрэг эрхлэх газрын дарга Б.Ган-Очир хуулийн хүрээнд тайлбарлаж буйг дор сийрүүлэв.
- 2021 оны 2-р сард Монгол Улсын Дээд шүүх С.Эрдэнийг Ардчилсан намын дарга гэх цахим бүртгэлийг сэргээх хүсэлтийг хангахаас татгалзсан.
- 2021 оны 4-р сард Дээд шүүхийн 20 шүүгч хэлэлцээд дээрх шийдвэрийг хэвээр үлдээсэн.
- 2022 оны 10-р сард Улсын дээд шүүх 38-р тогтоол гаргаж, намын даргын маргааныг Үндэсний бодлогын хороо шийдвэрлэхээр болсон.
Товчхондоо, хуулийн хүрээнд Үндэсний бодлогын хороо Ардчилсан намын бүх асуудлыг 4-р сарын 7-нд болох Их хурлаар эцэслэн шийдвэрлэхээр энэ удаагийн намын даргын сунгааг зохион байгуулж байна.
Ардчилсан намын 220 мянга гаруй гишүүн Та бүхэн эвийг эрхэмлэн, олон намын тогтолцооны хөгжлийн явцад тулгарч байгаа багахан бэрхшээлийг эцэслэхэд идэвхтэй оролцоно уу!
Сэтгэгдэл үлдээх