Турк, Сирийн нутаг дамнасан газар хөдлөлийн гамшгийн талаарх мэдээллийг хүргэж байна.
НЭМЭЛТ: II.07, 08.30 цагт:
Газар хөдлөлийн гамшигт нэрвэгдэж амиа алдсан хүний тоо нэмэгдсээр 7800-гаас давжээ. Туркийн дэд Ерөнхийлөгч Фуат Октай хамгийн сүүлд хийсэн мэдээлэлдээ энэ талаар онцолжээ. Үүний 5894 нь Туркт амиа алдсан аж. НҮБ-ын тооцоолсноор амиа алдагсдын 1000 гаруй нь хүүхэд гэнэ. Гэмтэж бэртсэн хүний тоо 34000 болжээ.
Ерөнхийлөгч Режеп Тайип Эрдоган 10 мужид онц байдал зарласан бөгөөд багадаа гурван сар үргэлжилнэ хэмээн хэвлэлүүд бичиж байна. Сирийн Засгийн газрын мэдээлснээр, сөрөг хүчний хяналтад байдаг хойд нутагт амиа алдагсдын тоо 1932-т хүрсэн байна.
Сэтгэгдэл үлдээх