Токиогийн төвд хүчтэй газар хөдлөлт болвол 6100 орчим хүн амь үрэгдэнэ гэж тус улсын Засгийн газар лхагва гарагт гаргасан тайландаа дурдсан байна. Энэ нь өмнөх судалгаанаас 30 орчим хувиар буюу 3500 орчим хүний тоогоор буурсан байна.
Газар хөдлөлтийн шинжээчдийн багийн тайланд сүүлийн судалгаагаар 3500 орчим хүн цөөрсөн нь барилга байгууламжийн газар хөдлөлтөд тэсвэрлэх чадвар сайжирч, барилгын ажилд шатдаггүй материалыг түлхүү ашигласантай холбон тайлбарлажээ.
Токиогийн төвийн өмнөд хэсэгт 7.3 магнитудын хүчтэй газар хөдлөлт болвол нас барах хүний тоо 6148 болно гэж дүгнэжээ.
Нас баралт, хохирлын тооцоо буурахад дурдсан хүчин зүйлүүдийн дунд байшингуудын газар хөдлөлтөд тэсвэрлэх чадвар, өөр нэг хүчин зүйл бол гал түймэр амархан тархдаг хүн ам шигүү суурьшсан модон орон сууцны талбай багассан явдал юм.
"Хэдийгээр нас барагсдын тоо буурсан ч 6,000 гаруй хүний хохирол гарахыг зөвшөөрөх ёсгүй" гэж Токиогийн их сургуулийн профессор Наоши Хирата хэлэв.
Эх сурвалж: Kyodo News
Сэтгэгдэл үлдээх