Ажлын талбар дээр "Z" үеийнхний хэрэгцээг хангасан байхад бусад үеийнхэн ч сэтгэл ханамжтай байх боломжтой.

Ойролцоогоор 1997–2012 онд төрсөн Z үеийнхэн ажлын талбар дээр хамгийн их хүч төрж, нөлөөлж эхэлж байна. Энэ үеийн төлөөллүүд ажил олгогчоосоо юу хүсч, юу хэрэгтэй байгаагаа чөлөөтэй илэрхийлж чаддаг. Тэдний юу хүсэж байгааг илүү сайн ойлговол авъяасыг нь ашиглаж болно. 

Z үеийнхэн ажил дээрээ илүү сайн харахыг хүсдэг 5 өөрчлөлт:
1. Мэдлэгээ бататгах, улам хөгжүүлэх

Z үеийнхэн ур чадвараа, карьераа ахиулах хүсэл эрмэлзэлтэй гэдгээрээ аль хэдийн нэр хүндтэй болсон . LinkedIn-ийн "2021 оны Ажлын байрны сургалтын тайлан"-д дурдсанаар Z үеийн ажилчдын 76% нь суралцах нь ахиц дэвшлийн түлхүүр гэж үздэг. Мөн тус судалгаагаар 67% нь интернет платформ дээр илүү их цаг зарцуулдан суралцдаг болохыг тогтоожээ.

2. Сэтгэцийн эрүүл мэндийн бодит дэмжлэг

Цар тахал нь хүн бүрийн сэтгэцийн эрүүл мэндэд хүнд байсан ч Z Gen үүнийг өвөрмөц байдлаар мэдэрсэн бөгөөд Alight - ийн судалгаагаар Z үеийн ажилчдын 46% нь цар тахлын улмаас сэтгэцийн эрүүл мэндээ муутгасан болохыг тогтоожээ. Яг тухайн цаг үед төгсөлт, хичээлээс гадуурх үйл ажиллагаа болон бусад чухал мөчүүд гэх мэт амьдралдаа нэг удаа тохиолддог үйл явдлуудыг орхигдуулж байв. Энэхүү стресс нь ажиллах хүчинд шууд шилжсэн бөгөөд олон залуу ажилчид сэтгэцийн хувьд эрүүл байх нь хэцүү болж, удирдлагаасаа ойлгохыг хүсдэг байна.

3. Санхүүгийн эрүүл мэндийн сургалт

Мөнгө бол залуу хойч үеийнхэнд маш их хөндөгддөг сэдэв бөгөөд ихэнхдээ мөнгөтэй харьцах чадваргүй эсвэл өр зээлээс ангид байх чадваргүй байдаг. Насанд хүрнэ гэдэг хэцүү бөгөөд эдийн засгийн хүнд нөхцөлд бүр ч хэцүү.  Санхүүгийн байдлаасаа болж стресст орсон ажилчид ажилдаа анхаарлаа хандуулахгүй байгаад зогсохгүй өөр газар илүү өндөр санал авч чадвал үсрэх магадлал өндөр байдаг.

4. Жинхэнэ амьд харилцаа

Хүн хоорондын харилцаа холбоо гурван чухал асуулт дээр тулгуурладаг: Та намайг харж байна уу? Чи намайг сонсож байна уу? Тэгээд би үнэндээ танд чухал уу? Хэрэв Z үеийн ажилтан эдгээр асуултын аль нэгэнд нь үгүй ​​гэж хариулж байвал та тэднийг алдсан гэсэн үг. Тэд тантай хамт урагшлахгүй, ажилдаа хамгийн сайн хувь нэмэр оруулахгүй. Хэдийгээр бусад үеийнхэн жинхэнэ амьд харилцаа холбоогүйгээр зохицож чаддаг ч үүнийг бий болгоход цаг гарган ажиллах нь ажлын байран дээрээ илүү сайн үр дүнд хүргэдэг гэдэгт эргэлзэхгүй байна. Тэд аль ч үеийнхээс үл хамааран харж, сонсож, үнэлэгдэх мэдрэмждээ эерэгээр хариулах болно.

5. Зорилго

Z үеийнхэн өөрсдийнх нь амьдралд тохирсон ертөнцийг сайжруулахын тулд ямар нэгэн байдлаар хувь нэмэр оруулан ажлахыг хүсдэг. Өөрөөр хэлбэл, тэд ажилдаа зөвхөн цалингаас илүү зорилготой байхыг хүсдэг. Энэ үеийнхнийг мөн "яагаад үе" гэж нэрлэдэг. Энэ асуултыг байнга асуух нь тэдэнд илүүг танин мэдэж шинэ зорилго, алсын хараатай болоход нь түлдхэц өгдөг.

Хэрвээ танай байгууллага энэ үеийн залуучуудтай хамтран ажилладаг бол дээрх 5 стратегийг 2023 онд хэрэгжүүлээрэй. Багтаа эдгээр таван чиглэлийн аль нэгийг нь хэрэгжүүлсэн байхад л Z үе болон бусад бүх үеийг элсүүлэх, авч үлдэхэд ихээхэн тус болно гэдэгт итгэлтэй байна.

Эх сурвалж: Forbes