Чөлөөт бөхийн 2018 оны Азийн аварга П.Орхон 2022 оны есдүгээр сарын 17-оос албан ёсны тэмцээн уралдаанд оролцох эрхтэй болно.
2018 онд Индонез улсад болсон Азийн наадмын үеэр олон улсын допингийн эсрэг бодлогыг зөрчсөн хэмээн үзэж түүний барилдах эрхийг нь түдгэлзүүлсэн. Эмэгтэйчүүдийн -62 кг жинд алтан медаль аваад байсан тэрээр давж заалдсан ч шинжилгээний хариуг Азийн олимпын зөвлөл болон WADA-аас баталсан юм.
П.Орхоны шинжилгээнээс хориотой бодисын жагсаалтын "S1.1A" ангилалд багтах Станозолол ба түүний метаболит илэрсэн билээ. Улмаар П.Орхоны барилдах эрхийг 2022 оны есдүгээр сарын 16 хүртэл дөрвөн жилээр хасаад байв.
Өдгөө 29 настай түүний оролцох боломжтой хамгийн эхний тэмцээн нь арванхоёрдугаар сарын 10-11-д АНУ-ын Коралвилл хотод болох дэлхийн цомын тэмцээн юм.
Чөлөөт бөхийн дэлхийн аварга шалгаруулах тэмцээн Сербийн Белград хотод есдүгээр сарын 10-18-ны хооронд болж өндөрлөнө.
Сэтгэгдэл үлдээх